अमेरिकी सेनाले दक्षिणी इरानमा नयाँ आक्रम गर्यो

काठमाडौं – अमेरिकी सेनाले दक्षिणी इरानमा नयाँ आक्रम गरेको जनाएको छ। 

ती आक्रमण इरानी क्षेप्यास्त्र केन्द्रहरू तथा समुद्री सुरुङ राख्ने प्रयास गरिरहेका डुंगाहरूलाई लक्षित गरेर गरिएको बताइएको छ। अमेरिकी सेनाको केन्द्रीय कमाण्डले जारी गरेको विज्ञप्तिमा ती आक्रमण आत्मरक्षाका लागि गरिएको तथा इरानी सेनाबाट उत्पन्न खतराबाट आफ्ना सैनिकहरूको सुरक्षा गर्न उद्देश्य राखिएको उल्लेख गरिएको छ। 

केन्द्रीय कमान्डका प्रवक्ता क्याप्टेन टिम हकिन्सले अमेरिकी सेना जारी युद्धविरामका बीच संयमता अपनाउँदै आफ्ना सैनिकहरूको रक्षा गर्न निरन्तर सक्रिय रहेको बताए। 

इरानको विदेश मन्त्रालयका प्रवक्ता इस्माइल बकाईले अमेरिकासँगको वार्तामा केही प्रगति भएको बताए पनि द्वन्द्व अन्त्य गर्ने कुनै सम्झौता तत्काल हुने अवस्थामा नरहेको बताएकै बेला अमेरिकाले नयाँ आक्रमण गरिएको सार्वजनिक गरेको हो। 

यसैबीच, अमेरिकी राष्ट्रपति डोनाल्ड ट्रम्पले इरानमा रहेको युरेनियम नष्ट गर्न चाहेको बताएका छन्। यसअघि ट्रम्पले इरानमा रहेको युरेनियम अमेरिकालाई हस्तान्तरण गर्नुपर्ने बताउँदै आएका थिए।  

ट्रम्पले सामाजिक सञ्जाल प्लेटफर्म सोसल ट्रुथमा लेखेका छन्, ‘युरेनियम तुरुन्तै अमेरिकालाई सुम्पिनुपर्छ ताकि त्यसलाई त्यहाँ लगेर नष्ट गर्न सकियोस्। अझ राम्रो त के हुनेछ भने, इरानसँग मिलेर यसलाई त्यस्तो स्थानमा नष्ट गरियोस् जहाँ एटोमिक इनर्जी कमिसन वा त्यस्तै कुनै संस्था उक्त घटनाको साक्षी बस्न सकोस्। 

केही दिनअघि इजरायलका प्रधानमन्त्री बेन्जामिन नेतन्याहूले पनि केही दिनअघि इरानको समृद्ध युरेनियम भण्डार नहटाइँदासम्म युद्ध समाप्त भएको मान्न नसकिने बताएका थिए।

खबरपाटी