कांग्रेस सभापति देउवाले आज पनि नेताहरूसँग छलफल गर्ने, संस्थापन पक्षका नेताहरूको छलफल पनि जारी रहने

नेपाली कांग्रेसका सभापति शेरबहादुर देउवाले नेताहरूसँगको छलफललाई आज पनि निरन्तरता दिने भएका छन् । देउवालेनिवासमा संस्थापन इतर समूहका नेता शेखर कोइरालासहितका शीर्ष नेताहरूको बैठक राखेको एक नेताले जानकारी दिए ।

आज दिउँसो १ बजे देउवानिवास महाराजगञ्जमा हुने छलफलमा कार्यवाहक सभापति पूर्णबहादुर खड्का, महामन्त्रीद्वय गगनकुमार थापा र विश्वप्रकाश शर्मा तथा नेताहरू विमलेन्द्र निधि, कृष्ण सिटौला, डा. शेखर कोइराला र रमेश लेखकको सहभागिता निरन्तर रहने जनाइएको छ ।

त्यस्तै, संस्थापन समूहका केन्द्रीय सदस्यहरूको भेला पनि आज जारी रहने भएको छ । आगामी प्रतिनिधिसभाको चुनावपछि मात्र पार्टीको १५औँ महाधिवेशन हुनुपर्छ भनेर वकालत गर्दै आइरहेका उनीहरूको भेला सनराइज क्याफे एन्ड ब्याक्वेटमा हुनेछ ।

खबरपाटी