हृदयाघातबाट शौचालयमा बेहोस थिए नेम्वाङ

संविधानसभा अध्यक्ष एवं नेकपा एमालेका उपाध्यक्ष सुवास नेम्वाङको हृदयाघातबाट निधन भएको खबर पाउनासाथ एमाले अध्यक्ष केपी ओली मध्यराति नै शिक्षण अस्पताल पुगेका थिए । हृदयाघात भएपछि नेम्वाङलाई त्रिवि शिक्षण अस्पताल, महाराजगञ्ज लगिएको थियो ।

बाथरुममा बेहोस अवस्थामा भेटिएपछि परिवारका सदस्यले राति १ः५० बजे अस्पताल पुर्‍याउँदा उनको मृत्यु भइसकेको थियो । नेम्वाङको निधनको खबर फैलिएसँगै शीर्ष नेताहरू शिक्षण अस्पताल पुगेका थिए ।

प्रधानमन्त्री पुष्पकमल दाहाल प्रचण्ड, एमाले अध्यक्ष ओली, सभामुख देवराज घिमिरे, नेकपा एकीकृत समाजवादीका अध्यक्ष माधवकुमार नेपाल, राप्रपा अध्यक्ष राजेन्द्र लिङ्देनसहितका नेताहरू पनि अस्पतालमा छन् ।

अस्पतालमा एमाले नेता कार्यकर्ताको बाक्लो भिड लागेको छ । नेम्वाङको शव केहीबेरमा श्रद्धाञ्जलीका लागि च्यासलस्थित एमाले केन्द्रीय कार्यालय लगिने एमाले सचेतक महेश बर्तौलाले बताए । 

खबरपाटी