गुल्सनले बनाए ओडीआईमा यूएईविरुद्ध लगातार दोस्रो अर्धशतक

एसीसी प्रिमियर कप क्रिकेट प्रतियोगिताको फाइनलमा यूएईले दिएको ११८ रनको चुनौती पछ्याउँदै ब्याटिङ गरेको घरेलु टिम नेपालका लागि गुल्सन झाले अर्धशतक बनाएका छन् ।

गुल्सनले यूएईविरुद्ध लगातार दोस्रो पटक अर्धशतक बनाएका हुन् । गुल्सनले ७५ बलमा चार छक्का र तीन चौका प्रहार गर्दै अर्धशतक पूरा गरे ।

यसअघि लिग टुको अन्तिम खेलमा ३११ रनको विजयी लक्ष्य पछ्याउँदै ब्याटिङ गरेको नेपालका गुल्सनले एकदिवसीय अन्तर्राष्ट्रिय क्रिकेटमा पहिलो पटक अर्धशतक बनाएका थिए । त्यो खेलमा गुल्सनले ४८ बलमा चार चौका र दुई छक्का प्रहार गर्दै अविजित ५० रन बनाएका थिए । 

त्यसपछि यूएईसँग खेलेको एसीसी प्रिमियर कपको फाइनलमा पनि अर्धशतक बनाएका हुन् ।
 

खबरपाटी