नारायणगढ–बुटवल सडकको दाउन्ने खण्ड एकतर्फी मात्रै सञ्चालनमा

नवलपरासी – आज विहानदेखि लगातार परेको पानीका कारण पूर्वपश्चिम राजमार्गअन्तर्गत नारायणगढ–बुटवल सडकको दाउन्ने खण्ड एकतर्फी मात्रै सञ्चालनमा छ । पानी पर्न थालेपछि सडक चिप्लो भएकोले ठूला मालबाहक गाडीलाई रोकेर यात्रुबाहक बस तथा साना गाडी सञ्चालन भईरहेको जिल्ला प्रहरी कार्यालय नवलपरासी पूर्वका सूचना अधिकारी डीएसपी मधु नेपालले उज्यालोलाई जानकारी दिनुभयो ।

गएरातिदेखिको झरिले दाउन्ने खण्डको विनयी त्रिवेणी गाउँपालिका–२ को विश्वकर्मा मन्दिर र घ्युखोलामा सडक चिप्लो भएर गाडी उकालो चढ्न समस्या भएको छ । बाटो हिलो र चिप्लो हुँदा गाडी पश्चिमतर्फ जान सकेका छैनन् । दाउन्ने खण्डमा मालवाहक गाडी उकालो चढ्न नसकेपछि जाम हुन नदिन प्रहरी खटिएको सूचना अधिकारी नेपालले जानकारी दिनुभयो ।

खबरपाटी