इजरायलले गाजामा आक्रमण तीव्र पार्‍यो, अल अहली अस्पतालमा सात जना मारिए

इजरायली सेनाले गाजा सिटीस्थित अल अहली अस्पतालमा बम आक्रमण गर्दा सात जनाको मृत्यु भएको छ । इजरायलले गाजाको उत्तरी भाग कब्जा गर्ने योजना अघि बढाइरहेका बेला यो आक्रमण गरेको हो ।

प्यालेस्टिनी स्वास्थ्य मन्त्रालयका अनुसार पछिल्लो २४ घण्टामा इजरायली नाकाबन्दी र भोकमरीका कारण ११ जनाको मृत्यु भएको छ, जससँगै यसरी ज्यान गुमाउनेको संख्या २५१ पुगेको छ । तीमध्ये १०८ जना बालबालिका रहेका छन् ।

यसैबीच, तेल अभिभमा १०औँ हजार इजरायलीहरूले प्रदर्शन गर्दै गाजामा भइरहेको युद्ध अन्त्य गर्न र हमासद्वारा कब्जामा रहेका मानिसहरूको रिहाइको माग गरेका छन् । उता, अल जजिराका पत्रकारहरूको हत्याको विरोधमा संसारभर विरोध प्रदर्शन भइरहेका छन् ।

इजरायलको गाजामाथिको युद्धले अहिलेसम्म ६१,८२७ जनाको ज्यान लिएको छ र १,५५,२७५ जना घाइते भएका छन् । अर्कातर्फ, हामासले ७ अक्टोबर २०२३ मा इजरायलमा गरेको आक्रमणमा १,१३९ जनाको मृत्यु भएको थियो । २०० भन्दा बढीलाई बन्धक बनाइएको थियो ।

खबरपाटी